Düzgün dəriyə qulluq rutini ilə qısa zamanda səni heyran edəcək nəticələr ala biləcəyindən xəbərin var?

Üstəlik, kompleks məhsullardan istifadə etməyin şərt deyil. Dəri tipindən asılı olmayaraq, təmizləyici, canlandırıcı və nəmləndirici addımlar gözəlliyinə gözəllik qatmağa kifayət edəcək.

Elə isə bu 3 mərhələni tətbiq et:

1. Təmizlə

Dəriyə qulluq rutinində ilk addım gün ərzində üzündə toplanan yağ, kir, ölü dəri hüceyrələri və makiyajı təmizləməkdir.

Tıxanmış məsamələrin və sızanaq problemlərinin qarşısını almaq üçün dəri tipinə uyğun təmizləyici vasitə ilə gündə 2 dəfə, səhər və axşam üzünü təmizləmək vacibdir.

2. Canlandır

Gündəlik dəriyə qulluq rutininə mütləq canlandırıcı tonik əlavə etməlisən. Bu zaman dərin hərtətərfli təmizlənmiş və təravətli olacaq.

Canlandırma həm də dərini dərhal sonra tətbiq edəcəyin üz serumlarına və nəmləndirici vasitəyə hazır edir.

Turşu tərkibli tonikləri isə yalnız axşam və SPF ilə tətbiq etməyi unutma.

3. Nəmləndir

Təmizlik kimi gündəlik fəaliyyətlər bəzən dərindəki təbii nəmi aradan qaldıra bilir. Bu zaman isə köməyinə dəri tipinə uyğun seçdiyin nəmləndirici çatacaq.

Nəmləndirici vasitə ilə dərin həm qüsursuz görünəcək, həm də əhvalın yüksələcək.

Dərinə və göz ətrafına uyğun nəmləndiricini gündə 2 dəfə tətbiq etməklə rutinini tamalaya bilərsən.